බලපිටිය යනු ස්වාභාවික සෞන්දර්යයෙන් සහ ඓතිහාසික වටිනාකම් වලින් පොහොසත් සුන්දර වෙරළබඩ නගරයකි. අප ප්රදේශයේ පිහිටි වඩාත් ප්රසිද්ධ සංචාරක ආකර්ෂණීය ස්ථාන කිහිපයක් පහතින් දැක්වේ.
ජෛව විවිධත්වයෙන් අනූන මාදු ගඟ ශ්රී ලංකාවේ දෙවන විශාලතම තෙත් බිම වන අතර එය රැම්සා සම්මුතිය යටතේ නම් කර ඇත. එහි ඇති කුඩා දූපත් සංචාරකයින්ගේ විශේෂ ආකර්ෂණයකි.
රන්වන් පැහැති වැලි තලාව සහ සුන්දර පොල් වතු යායන් සහිත බලපිටිය වෙරළ නිදහස් සුවය සොයන දේශීය හා විදේශීය සංචාරකයින් සඳහා කදිම නැවතුම්පොළකි.
වඳවී යාමේ තර්ජනයට ලක්ව ඇති කැස්බෑවන් බිත්තර රැකගෙන නැවත සාගරයට මුදා හැරීම සිදුකරන මෙම ස්ථානය ලොව පුරා සංචාරකයින්ගේ නිරන්තර අවධානයට ලක්වේ.
මහනුවර යුගයේ සිතුවම් සහ ඓතිහාසික නටඹුන් පවතින වනවාස විහාරය, අධ්යාත්මික වටිනාකමක් සහිත බෞද්ධ ජනතාවගේ පූජනීය සිද්ධස්ථානයකි.
සාම්ප්රදායික ක්රමයට කුරුඳු තෙල් නිස්සාරණය සහ කුරුඳු සැකසීමේ කටයුතු සිදුකරන ආකාරය සියැසින් දැක බලා ගත හැකි අපූර්ව ස්ථානයකි.
මාදු ගඟ මැද පිහිටා ඇති මෙම ඓතිහාසික දූපත් පන්සල සාමකාමී පරිසරයකින් යුතු වන අතර, බෝට්ටු සංචාර වල යෙදෙන ඕනෑම අයෙක් යාමට අමතක නොකරන තැනකි.
